كلمات تهز الوجدان عن وقت المحنه

المحن احسن حاجه بتحصلنا ف الدنيا مش عشان بتقوى والهبل ده انا من وجهة نظرى المحن دى عباره عن غربله لكل شئ حواليك ف عز محنتك بتعرف مين معاك ومين ضدك ومين عايز يقف جمبك ومين ريح دماغه ونفضك عن كتفه بالنسبالى لو هاعتبر القلب مركز المشاعر والمشاعر دى واخده لون ابيض ف المحنه بتيجى كل حد ليه غلاوه ف قلبنا بتيجى المحنه تعلم عليه بلون ابيض زاهى اكتر او بتخفف من بياضه شويه او بتحول بياض مكانه لسواد معتم هى دى بقى اللى بنقول عليه المحنه بتقوى لا هى مش بتقوى خالص هى بس بتعمل كده بتسود قلوبنا من ناس وبتعلى ف قلوبنا ناس ساعتها باعامل فلان بقساوه لانه بقى اسود ف قلبى هو اللى ساب البقعه الوسخه دى فبقيت معاه بلا مشاعر اصلا ولا يهمنى ف الجزمه والتانى شايله ع راسى عشان وقف ف المحنه وسندنى بالمناسبه السند ده مش حل لمشكلتى ولا انه مثلا اكون بره البيت فيقولى تعالى اقعد عندى لا السند ده اللى يقولى حاسس بيك وزعلان لزعلك ومستعد اعمل اى حاجه بس هون ع نفسك مش يقولى كلام محفوظ وباهت زى اللى بيعزى ف ميت مايعرفوش وساعتها اللى متوقع منه حاخه حلوه ومايعملهاش بتبقى منطقته اسود من اى منطقه تانيه وبتوصل لدرجة الكره فانا فعلا لقيت المحن اللى تخلينى اعيد تفكيرى ف حاجات وارمى ناس ف الزباله واشيل اى مشاعر حلوه ف قلبى ليهم واعلى ناس تانيه الصدفه جمعتنى بيهم او الزمن ماغيرهومش وفضلو صمام امان ليا